Deputeti i Lëvizjes Vetëvendosje, Arbër Rexhaj para nisjes së seancës konstituive tha se Lidhja Demokratike e Kosovës në vend të propozojë të ecet përpara, me idenë e tyre për qeveri të tranzicionit po propozojnë të shkojnë prapa.
Ai tha se si opsion i fundit janë zgjedhjet.
“Në vend të ecim përpara ata propozojnë të shkojnë prapa…”, tha Rexhaj, kur u pyet për idenë e LDK-së për qeveri të tranzicionit.
Sipas tij, vullneti i qytetarëve ka treguar që kryeministri Kurti është lideri më i votuar më shumë se presidenti historik Ibrahim Rugova dhe presidentja Vjosa Osmani.
“Kjo që po them nuk po tregon arrogancë… por, ajo që po propozon LDK është ta themi devijim i vullnetit të qytetarëve të Kosovës. Ne e kemi dëshmua se nuk jemi bllokues dhe në formë transparente kemi kërkuar koalicion… LDK po dëshiron të kthehet prapa dhe nuk dëshiron të ecë para pa PDK dhe AAK…”, tha ai.
Deputeti i VV-së, Arbër Rexhaj, poashtu ka thënë se Albin Kurti është lideri më i votuar në histori.
“Është më i votuar se Rugova e Vjosa Osmani. Pa dashur të tingëllojë arrogant, por ftesat e LDK-së janë arrogante”, tha ai.
