Edhe për një tentim tjetër të radhës për konstituim të Kuvendit, sot deputetët do të mblidhen sërish nga ora 11:00.
Ky është tentimi i 26-të me radhë që prej 15 prillit kur ka nisur seanca konstituive, kjo pasi deputetët po refuzojnë të formojnë një komision për mbikëqyrjen e votimit të fshehtë për kryetarin e Kuvendit.
Çështja e votimit të fshehtë tashmë është edhe në Gjykatën Kushtetuese pasi është dërguar nga Aleanca për Ardhmërinë e Kosovës, e mbështetur edhe nga partitë e tjera që deri më tash ishin në opozitë.
Kandidatja e partisë së parë të dalë nga zgjedhjet e 9 shkurtit, Lëvizjes Vetëvendosje – në koalicion me Guxo dhe Alternativa, Albulena Haxhiu nuk po arrin t’i marrë 61 votat e nevojshme për kryeparlamentare./teve1.info/
