Për të 18-tën herë me radhë po dalin në këtë foltore të Kuvendit të Kosovës deputetë e vendit.
E nga aty, përfaqësuesit e partive politike për dështimin e konstituimit të Kuvendit po hedhin akuza ndaj njëri tjetrit. I pari si rëndom doli kryetari i Partisë Demokratike të Kosovës, Memli Krasniqi.
Ai tha që situata shumë shpejt mund të zhbllokohet, nëse Albin Kurti dhe VV-ja tërhiqen nga kandidimi i Albulena Haxhiut. Edhe Lidhja Demokratike e Kosovës kërkoi hapa konkret nga partia e parë.
Lëvizje në qëndrime nuk kanë as nga Aleanca për Ardhmërinë e Kosovës, veçse ky subjekt të hënën pati një propozim. Për ftesa e takime me të gjithë subjektet janë të gatshëm nga Nisma Socialdemokrate.
Por partia fituese e zgjedhjeve, Lëvizja Vetëvendosje thotë se deputetët e këtij subjekti politik janë treguar konstruktiv mirëpo jo ata të partive opozitare.
Qëndrim të njëjtë për herë të 18-të karshi medieve ka pasur edhe të hënën kryetari i Vetëvendosjes, njëherit kryeministri në detyrë, Albin Kurti.
