Grupi Parlamentar i Aleancës për Ardhmërinë e Kosovës (AAK), ka filluar të dielën vizitat nëpër Komunat e Kosovës për të bashkëbiseduar për temat e rëndësishme në nivel nacional dhe në atë lokal.
Kështu është bërë e ditur përmes një komunikate në faqen zyrtare të GP të AAK-së.
Vizita e parë është bërë në Klinë, komunë kjo që qeveriset nga AAK me kryetar Zenun Elezaj.
“Qëllimi i këtyre vizitave është diskutimi i çështjeve që ndërlidhen me zhvillimet politike në vend, zhvillimin ekonomik lokal, agjendën e projekteve kapitale, mbi të gjitha me buxhetimin për vitin e ardhshëm. Në këtë vizitë, në tri takime ndaras, fillimisht me lidershipin dhe kryesinë e degës së Klinës dhe kryetarin e saj, Zenun Elezaj, u diskutua edhe organizimi politik i Aleancës, dhe fakti që ky subjekt politik tanimë e ka rritjen më të madhe në historinë e vet politike, thuhet në komunikatë.
Deputetët e AAK-së kanë vizituar edhe fabrikën “Gllareva” dhe kanë zhvilluar takim edhe me të rinjtë e kësaj komune , ku siç thuhet në komunikatë u diskutuan çështjet që i preokupojnë, duke marrë sugjerimet dhe kritikat e tyre që duhet t’i adresojmë më Kuvendin e Kosovës./teve1.info/
