Një qytetar është raportuar të ketë deponuar 251 monedha 2-euroshe të falsifikuara gjatë periudhës tetor-nëntor në një bankë në Prishtinë, raporton teve1.info
Sipas njoftimit të policisë, monedhat janë sekuestruar në cilësi të provave, ndërsa për rastin kanë nisur hetimet.
“Rr. Enver Maloku, Prishtinë 04.10-06.11.2023. Zyrtari i një banke, ankuesi mashkull kosovar, ka raportuar se në bankë janë deponuar nga një klient 251 monedha nga 2€, në vlerë 502€, që dyshohet se janë të falsifikuara. Po ashtu në bankomatin e bankës nga një klient është deponuar një kartëmonedhë në vlerë 20€ që po ashtu dyshohet se është e falsifikuar. Paratë janë sekuestruar nga njësia e forenzikës. Rasti në hetime”, thuhet në komunikatën e Policisë.
