Asociacioni i Gazetarëve të Kosovës ka njoftuar se është sulmuar vetura e ekipit të RTV Dukagjinit në Zveçan.
Nuk është raportuar për të lënduar, teksa AGK-ja ka bërë të ditur se ky është sulmi i 16 në drejtim të mediave brenda dy ditësh, raporton teve1.info
“Ekipit të RTV Dukagjini gjatë raportimit në Zveçan i është dëmtuar vetura. Fatmirësisht raportohet se nuk ka të lënduar, në ndërkohë që kjo është vetura e dytë e këtij mediumi që është vandalizuar nga protestuesit lokalë. Në vazhdën e ngjarjeve në komunat veriore të Kosovës, ky është sulmi i 16 në drejtim të mediave brenda dy ditësh”, thuhet në njoftim.
AGK-ja ka kërkuar nga prezenca ndërkombëtare që të krijojë ambient më të sigurt për gazetarët, kamermantët, fotoreporterët dhe shoferët që raportojnë nga veriu.
