KEDS ka njoftuar se ditëve të fundit janë djegur disa asete elektroenergjetike të KEDS-it, gjë që ka shkaktuar mbetjen pa energji elektrike të konsumatorëve të prekur.
KEDS dyshohet se kjo ka ndodhur për shkak të pakujdesisë së disa personave, të cilët në lokacione të ndryshme në Kosovë kanë shkaktuar disa vatra zjarri.
Megjithatë, ekipet e mobilizuara të KEDS-it, kanë intervenuar te asetet elektroenergjetike të prekura nga zjarret dhe kanë rikthyer gjendjen në normalitet.
“Ditëve të fundit, për shkak të pakujdesisë dhe papërgjegjësisë së disa personave të caktuar, nëpër lokacione të ndryshme në Kosovë kanë ndodhur disa vatra zjarri. Në disa raste janë djegur edhe asetet elektroenergjetike të KEDS-it, çka ka shkaktuar ndërprerje të energjisë elektrike për një numër të caktuar konsumatorësh të afektuar”, thuhet në njoftim./teve1.info
