Demollit tha se vendimi për dënimin e Sali Mustafës me 26 vjet burgim është i padrejtë, teksa theksoi se Gjykata Speciale është institut që tenton ta kriminalizojë luftën e UÇK-së.
“Edhe gjykata dhe i gjithë procesi që ndërlidhet me Gjykatën Speciale dhe Dhomat e Specializuara po del të jetë një institut i cili realisht tenton ta kriminalizojë luftën e Kosovës për çlirim duke i ndjekur komandantët, duke e ndjekur strukturën udhëheqëse të UÇK-së dhe duke e shëndrruar atë në ndërmarrje të përbashkët kriminale”, tha ajo në emisionin “Ditari” në tëvë1.
Sipas Demollit vendimi për dënimin e “Calit” i anashkalon plotësisht konventat ndërkombëtare për liritë dhe të drejtat e njeriut dhe është politik.
“Veprimet e kësaj gjykate të cilat deri më tani ka treguar që janë totalisht politike. Ne do të dalim së bashku në shesh për t’i kundërshtuar këtë proces i cili është thellësisht politik, i cili fillon nga idenë e akuzës ndaj UÇK-së dhe tenton ta legjitimojë paragjykimin ndaj luftës së Kosovës”, shtoi ajo.
Anëtarja e Kryesisë së PSD-së tha se partia e saj kërkon nga Qeveria dhe Kuvendi i Kosovës të nisë ndryshimin, amandamentimin e ligjit për Dhomat e Specializuara sidomos të nenint 6 dhe 16 të cilat sipas saj në radhë të parë ndjekin vetëm UÇK-në dhe vetëm një etni.
“Ne kërkojmë që mos të ndiqet vetëm një etni, por kushdo që ka bërë krime në Kosovë ndaj kujtdo të ndiqet dhe mos të jetë gjykatë politike e cila fokusohet ndaj denigrimit dhe kriminalzimit të luftës së UÇK-së. E dyta ne kërkojmë që neni 16 kërkon që eprorët dhe krerët e UÇK-së të cilët nuk kanë kryer krime drejtpërdrejtë, por synon që duke thënë se mosveprimi i tyre ka shkaktuar krimin e caktuar të ndërrohet ose të largohet tërësisht”, tha ajo.
Tutje Demoli tha se nëse nuk ndërmerren veprimet për kërkesat e kësaj partie nga Qeverisë së Kosovës, therë PSD-ja do ta fillojë një peticion për t’i mbledhur mbi 10 mijë nënshkrime nga qytetarët e Kosovës dhe ta nisim në Kuvend.
Partia Socialdemokrate do të organizojë protestë të shtunën më 24 dhjetor, pas dënimit të Sali Mustafës nga Gjykata Speciale me 26 vjet heqje lirie./Teve1.info/