Lujleta Demolli nga Qendra Kosovare për Studime Gjinore thotë se Prizreni prin me rastet e martesave të hershme. Sipas saj, kjo ndodh për shkak të mentalitetit, por nuk përjashton as rajonete tjera, ndërsa fajëson shtetin për mosndërmarrjen e veprimeve të duhura në këtë drejtim.
“Për ne si Qendra Kosovare për Studime Gjinore, kemi realizuar disa hulumtime… Ka qenë çdoherë pjesa e Prizrenit si më e shprehur, edhe normat tradicionale janë më të thella në atë pjesë. Mendojmë që ana e Prizrenit, por nuk përjashtohet edhe secila anë e Kosovës t’i ketë, për shkak të traditave e edhe për shkak që shteti nuk e kryen punën siç duhet. Dëgjon se është martuar dikush me dasmë, një vajzë 12-vjeçare na ka ndodhur, 11-vjeçare zhduket një vajzë, zhduket dhe kalon në familjen e burrit dhe shteti nuk ndërhyn se ku është një vajzë. Kemi vajza të zhdukura për muaj të tërë dhe nuk kemi interesim të madh të shtetit se ku janë vajzat tona”, është shprehur ajo.
Për më shumë ndiqeni emisioni “De Jure”, në Tëvë1 dhe “Betimi për Drejtësi” për hulumtimin mbi “Martesat mes të miturve”./Tëvë1/
