Përfaqësuesi i koalicionit VAKAT, Rasim Demiri ka thënë se janë të gatshëm për të bashkëpunuar me kryeministrinë në detyrë të Kosovës, Albin Kurti për formimin e institucioneve të reja pas zgjedhjeve të 9 shkurtit.
Ai tha se krijimi i një komune të komunitetit boshnjak nuk është kusht dhe se ata që duhet të flasin për komunën e Reçanit jemi ne dhe jo Duda Balje.
“Kemi fol më shumë për do gjëra që janë shumë të rëndësishme për komunitetin boshnjak p.sh kur është në pyetje komuna e boshnjakëve siç e dini edhe ju, ku ma herët ka qenë edhe Duda Balje që keni dhënë shumë hapësirë për këtë çështje. Nuk e di sa kini informacione, ata që duhet më fol për komunën e Reçanit jemi ne dhe nëse do të bëhet komuna unë jam ai që mundem me qenë edhe kandidati për kryetar në këtë komunë sepse jam nga ky rajon”, pas takimit me Kurtin.
Sipas tij, qëllimet e Baljes nuk janë serioze dhe kjo e fundit në atje pjesë ka marrë vetëm 400 vota.
“Në anën tjetër nuk e di sa keni të saktë informacionet, ne nga VAKAT jemi ata që duhet dhe do të kërkojmë pasi që kemi marrë besimin të populli. Atë që po bënë dikush tjetër që mbas zgjedhjeve siç e dini edhe ju ka qenë kusht për formimin e qeverisë, tash siç kemi parë edhe sot nuk është kusht veç është si një kërkesë. Kjo është manipulim me njerëzit që jetojnë në atë pjesë, dhe në anën tjetër ajo që po kërkon shumë, po insiston që nuk janë qëllime serioze ka marrë mbështetje vetëm 400 vota në atë pjesë… në një fshat ajo ka marrë vetëm një votë. Adresa për komunën e Reçanit është koalicioni VAKAT…Nuk mundet me qenë kusht, ne kurrë se kemi pas si kusht edhe më herët kur kemi kërkuar nuk ka qenë kusht vetëm po më vije mirë që ka hapësirë të bisedojmë për komunën”, tha ai.
