Shtëpia Evropiane e futbollit – UEFA ka nisur hetimet ndaj mbrojtësit të Kombëtares së Turqisë, Merih Demiral kanë njoftuar të mërkurën mediumet e huaja.
Hetimi për Demiralin është hapur nga Komiteti Disiplinor dhe i Etikës një ditë pas fitores së Turqisë 2:1 kundër Austrisë në kuadër të 1/8 së finales të “Euro 2024”.
Ky hetimi ka të bëjë siç thuhet për “sjelljen e papërshtatshme” të futbollistit Demiral, i cili ishte protagonisti kryesor në triumfin e Turqisë.
Demiral shënoi të dy golat për Turqinë, e cila avancoi në çerekfinale të Evropianit, ku do të përballet me Holandën për një vend në gjysmëfinale.
Thuhet se UEFA po heton veprimin e Demiralit, i cili pas fitores ndaj Austrisë u duk se bëri një gjest ultra-nacionalist që ndryshe njihet si “Përshëndetje Ujku” dhe i takon partisë së djathtë ekstremiste.
Dueli mes Turqisë dhe Austrisë u zhvillua të martën mbrëma në stadiumin “Red Bull Arena” të Leipzigut.