Sipas Demhasaj udhëzuesi për liberalizimin e vizave për Kosovën ka qenë me kushtet më të rënda në krahasim me shtetet tjera dhe se pavarësisht se janë plotësuar ato kushte, nuk është hequr regjimi i vizave për kosovarët.
“Ka filluar të ngjallet një ndjenjë e mosbesimit edhe në shoqërinë kosovare në raport me Bashkimin Evropian dhe që ka lidhshmërinë direkt me çështjen e liberalzimit të vizave. Pra, fillimisht kur është dhënë udhëzuesi për liberalizim për Kosovën është dhënë me kushte më të mëdha dhe më të rënda sesa për secilin shtet në rajon dhe kanë qenë diku 95 pika nëse i mbajë mend saktë që Kosova krejt ato pika e kushte i ka realizu dhe BE akoma nuk merr vendim që Kosovës me ia liberalizu vizat. Kosova ka mbetë ndoshta i vetmi vend në rajon që nuk e gëzon të drejtën e lëvizjes së lirë në BE. Kështu që këto tema kanë ngjallë një ndjenjë të madhe të mosbesimit ndaj Bashkimit Evropian”, tha Demhaaj në emisionin “Këndi i Debatit”
