Kandidati për deputet nga AAK, Artan Demhasaj ka thënë se Ramush Haradinaj pa asnjë kusht është pro formimit të një qeverie të opozitës.
Sipas tij ky ka qenë një qëndrim publik për realizimin e të cilit Haradinaj edhe iu ka ofruar bashkëpunim partive opozitare.
Ndërkaq i pyetur se a është synim i Haradinajt posti i presidentit Demhasaj ka thënë se është dhe nuk e ka fshehur asnjëherë
“Qëndrimi ka qenë publik që Haradinaj ka thënë se do të angazhohem për një qeveri të opozitës, pa kushte. Pra që i bie që nuk ka vendosur kushte e dua këtë pozitë, as e dua këtë ministri apo atë ministri, thjesht ka qenë pozicion pa kushte.Ai iu ka ofruar ndihmë dhe bashkëpunim partive opozitare për t’u bërë bashkë dhe për ta bërë një qeveri të opozitës. E ka synimin për president nuk e ka fshehur asnjëherë”, ka deklaruar ai në emisionin “Këndi i Debatit” në Tëvë1.
