Ai në emisionin “Këndi i Debatit” theksoi se marrëveshja me MCC-në kishte filluar dhe ishte përshëndetur nga SHBA-të, qysh në kohën e Qeverisë Haradinaj.
“Te ne akoma veprohet ose bëhet politike dhe merren vendime duke u bazuar në inate politike. I tillë ishte edhe veprimi i Qeverisë Kurti karshi gazit. Për shkak se kjo çështja e gazit ka filluar qysh në kohën e Qeverisë Haradinaj ku është nënshkruar madje një marrëveshje me MCC-në, në atë kohë që Kosova me u bë pjesë e gazit madje është përshëndetur në atë kohë, sepse Kosova ka qenë i vetmi vend që në njëfarë mënyre që u përjashtojke prej të gjitha linjave të mundshme të gazit qe vinin në Ballkan”, tha ai.
Demhasaj shtoi se ministrja Artane Rizvanolli duhet të japë sqarime sa i përket refuzimit apo shtyerjes së gazit amerikan.
”Amerika na ka japë një mundësi madje duke na financuar një pjesë të kostos së saj përmes fondeve të tyre dhe tash ne këtë e kemi refuzuar ose edhe e kemi shtyrë mundemi me përdor këtë term, por për sa e kemi shtyrë tash kjo mbetet të sqarohet prej ministres sepse nëse ministrja thotë që e kemi shtyer këtë projekt ajo duhet të na tregojë se për kur është shtyer dhe kur ka me fillu. Pra ne duhet ta dimë sepse Kosova vuan për mungesë të energjisë dhe ne duhet të kemi alternativë në të ardhmen sepse, e dimë që në 2036-tën sipas marrëveshjes së Bashkimit Evropian ne duhet të reduktojmë për 50% energjinë që e prodhojmë me thëngjill tash për tash dhe në 2015-tën, duhet me e pru në 0”, tha ai./teve1.info./