Sipas Demhasajt, punësimi i militantëve partiakë në pozicionet kyçe shtetërore ka qenë tendencë e qeverive të kaluara, por që sipas tij, edhe Qeveria Kurti po e vazhdon të njëjtën praktikë.
“Ajo çka ka ndodhë deri sot ka qenë tendencë e qeverive të kalume që nuk mundemi asnjëherë me mohu, që përmes mënyrave të ndryshme kanë vendos militantë të tyre partiak brenda administratës shtetërore. Çka po ndodh tash është që ajo që ka ndodhë deri më dje, pra që janë vendos militantë partiak përmes mënyrave të ndryshme janë vendos brenda administratës shtetërore në pozicionet kyçe, vendimmarrëse, drejtuese etj., tash po legalizohen kjo me ligj”, tha ai.
Tutje Demhasaj në emisionin “Këndi i Debatit” theksoi se nëse do të vazhdon kjo praktikë e punësimit të militantëve partiak nga secila parti që vjen në pushtet, sipas tij, do të nënkuptonte që në njëfarë forme kjo praktikë të jetë e lejueshme me ligj.
“Tash po i jipet mundësia partisë që vjen në pushtet që me i largu drejtorat edhe shefat e divizioneve ku ta di une se si është e organizuar tash administrata edhe me i vendos njerëzit e vet, edhe kjo e krijon rrezikun që për çdo katër vjet varësisht se si ka me u ndërru ngjyra politike në krye të Qeverisë ka me u ndërru administrata. Pra kjo lejon që partia politike që është në pushtet ose ajo që ka me ardhë në pushtet me pasë mundësi me ligj me i hy admisnitratës pubklikë kështu në thëllësi përmes njerëzve që mund të jenë militant partiak”, shtoi ai./teve1.info./