Demhasaj theksoi se sipas këtij vendimi, më shumë se gjysma e popullatës do të përfitojnë.
“Ky veprim që është marrë sot dhe që po flitet, gjithmonë po flasim në suaza të shifrave që Qeveria i ka dhënë, sepse nuk e dimë derisa të fillohet aplikimi, mënyra e aplikimit kush ka me mbërri me përfitu e kush jo, pra po flasim në një situatë të shifrave që qeveria i ka jep, që mund potencialisht të përfitojnë rreth 800 mijë qytetarë. Atëherë, në një farë mënyre i bjen që ma tepër se gjysma e popullatës në Kosovë kanë me përfitu nga ky vendim sepse studentët, pensionistët, punëtorët e sektorit privat e publik, veteranët poashtu, pak a shumë krejt kategoritë po involohen”, tha Demahasaj.
Analisti Demhasaj shtoi se pavarësisht që ky vendim është i mirë, problem është barazia mes qytetarëve.
“Problemi këtu është tek barazia në një farë mënyre. Qeveria tentoi me këtë vendim me thanë që ne jemi të barabartë për të gjithë edhe po dojmë të gjithë me i ndihmu në mënyrë të barabartë. Por unë mendoj që kjo nuk është e barabartë, sepse nuk mundet në mënyrë të barabartë me më ndihmu mu ose këtë zotëriun këtu me një shifër të njëjtë, kur të ardhurat në familje janë të ndryshme…barazia mund të ishte që t’i iu jep varësisht prej nevojës që e kanë familjarët ose të punësuarit në këtë rast. Por qysh do qoftë si veprim fillestar mendoj që është i mirë”, shtoi Demhasaj. /Teve1.info/
