Ai tha se nuk mjafton vetëm me një vendim qeveritar të krijohet një fond, si dhe fondet që krijohen vetëm sipas vendimeve të Qeverisë mund të kenë nivelin e ulët të transparencës.
Demhasaj tha se “Mendoj që fondet që krijohen me vendime, e kanë një nivel tepër të ulët të transparencës, sepse nuk dihet kush do të jenë ata njerëz që do të japin para aty, si do të përdoren, dhe ku është destinacioni i saktë i atyre fondeve”.
Kjo iniciativë duhet të përkrahet vetëm në parim si iniciativë e ndërmarrë nga Qeveria, ku duhet shumë shpejt të përcjellët edhe me ligj i cili e formon këtë fond, e përcakton se si derdhen mjetet në të ,dhe pastaj si përdoren ato, shtoi tutje Demhasaj.
“Për të përmbyllë këto dilema, duhet të jetë një ligj i cili kalon në kuvend dhe ai ligj përcakton qartë procedurat se si deponohen ato fonde, që të mos ketë mundësi të keqpërdoret, apo të përdoren për çështje të tjera që ky fond është i destinuar. Pa votimin e këtij ligji njerëzit nuk duhet të nguten të japin para për këtë fond”. Deklaroi analisti.
