Orët e hershme të mëngjesit të së enjtes këto lokale u kapluan nga zjarri.
E më të marrë informatën ata që reaguan të parët ishin zjarrfikësit.
“Sot në ora 5:45 minuta është pranuar një informatë për zjarre këtu në lokalet afër tregut të gjelbër. Ekipet menjëherë kanë dalur në vendin e ngjarjes. Këtu po shihet edhe mbrapa meje që janë të përfshira disa lokale 6/7 por janë të vogla dhe janë lokale të ndërtuara me material të ndryshëm e që janë të ndërlidhura një numër tepër i madh i lokaleve përreth tyre.E kanë pa që zjarri i ka përfshirë disa lokale, reagimi ka qenë shumë i shpejtë dhe profesional, pra është bërë prerja fillimisht që mos me lanë zjarrin me u përhap në lokalet e tjera që janë të bashkëngjitura”, tha Mal Gashi- Komandant i Brigadës së Zjarrfikësve në Prishtinë.
Nga ky zjarr nuk pati të lënduar, por u shkaktuan dëmë të mëdha materiale.
“Dëmet janë evidente sigurisht aty ku ka zjarre ka edhe dëme, fati i mirë është që nuk ka njerëz të lënduar, dëmet janë minimale në krahasim me atë se çfarë ka mundur të jetë po të mos ishte reagimi shumë i shpejtë dhe profesional i zjarrfikësve”, tha Gashi.
Njëri që pësoi nga këto dëme është pronari i një kafeneje, Rexhep Avziu.
“Shkakun e djegies nuk e di. Dëmin e kam të madh të makinave të kafes. Afërsisht dëmin e kam 15 mijë minimal sa më përket mua. 00:33-00:46 Nuk kam pas problem kurrë edhe e kam marr përvojën e duhur unë jam marr më këtë lami qe 50 vite e kam, e kurrë se kam lan pa e kontrolluar lokalin kur e kam m’shel vazhdimisht kontrollin e kam bërë”, tha ai.
Zjarrin për televizionin e kanë konfirmuar edhe nga Policia e Kosovës.
“Sot rreth orës 05:40, kemi pranuar informatën për një zjarr që ka përfshirë disa lokale në rrugën ‘Ilaz Agushi’ në Prishtinë. Në vendngjarje kanë dalë zjarrfikësit dhe policia të cilët janë duke u marrë me rastin. Nuk raportohet për persona të lënduar”, thuhet nga Policia e Kosovës.
Para pak ditëve zjarri kishte pasur edhe tek Tregu i Gjelbër në Ulpianë të Prishtinës.
