Anëtari i degës së AAK-së në Deçan, Shkumbin Demaliaj, ka thënë se me anë të këtij reagimi ndihet shumë i indinjuar pas lajmit që doli në media lidhur me një vendim të marrë në sallën e Asamblesë Komunale në Deçan, e që është : Shpallja e kandidaturës për zgjedhjet komunale për kryetar komune 2025 nga kryetari aktual, Bashkim Ramosaj.
Ai e ka pyetur kryetarin e Deçanit, se nga kush po frikësohet.
“Si qytetarë i komunës së Deçanit dhe anëtarë i AAK- së me anë të këtij reagimi ndihem shumë i indinjuar pas lajmit që doli në media lidhur me një vendim të marrur në sallën e Asamblesë Komunale në Deçan, e që është : Shpallja e kandidaturës për zgjedhjet komunale për kryetar komune 2025 nga kryetari aktual z. Bashkim Ramosaj. Nga kush po frigohesh kryetar Bashkim”.
“Është i pakuptimt fakti që janë gati edhe 2 vite e gjysmë që duhet të kryeni mandatin tuaj të dytë në krye të komunës dhe ju nga tash shpallni kandidaturë të re për një mandat të tretë dhe për atë ekzistojnë shkelje të panumërta të rregullave Statutare e që është Kushtetuta e partisë lidhur me vendimin që keni marrë dje me datë 25.08 2023”, është shprehur ai.
Ai është shprehur se në lidhje me këtë, nuk është bërë asnjë konsulltë me nëndegët e partisë dhe kryetarët e tyre.
“Në radhë të parë nuk është bërë asnjë konsulltë me nëndegët e partisë dhe kryetarët e tyre dhe ata nuk janë konsulltuar nga ju gati qe dy vite prej ardhjes suaj në krye të Degës së Partisë se lërë më që nuk është mbajtur asnji takim me ta qe dy vite.!! Ata janë të anashkaluar plotësisht.!!Ashtu sikurse Selia e Partisë që ju ka mëshelë ‘’dera me therrë’’ ( popullore) prej ardhjes suaj në krye të saj”.
Ai tutje tha se “pjesmarrësit në takim dhe votim nuk janë të gjithë anëtarë të këshillit të përgjithshëm të Degës bile 2/3 e tyre nuk janë anëtarë të këtij këshilli që vendos për të gjitha veprimet në Degë i dalur nga Kuvendi i 8 – të Zgjedhorë.!! Pjesëmarrësit janë shumica drejtorë të shkollave dhe punonjës së administratës që drejtoni ju zotëri Kryetar”, shkroi tutje ai.