Mbrojtësi i Kombëtares së Kosovës, Lumbardh Dellova është larguar nga Ballkani për të vazhduar karrierën në Bullgari.
Ai I është bashkuar ekipit CSKA Sofia dhe është prezantuar të mërkurën. Detajet e kontratës së Dellovës nuk janë bërë të ditur por as ato të marrëveshjes midis dy klubeve.
Klubi bullgar ka bërë të ditur se ka marrëveshje me Ballkanin për të paguar dëmshpërblim për kartonin e Dellovës, por ka thënë se këto detaje janë konfiedenciale.
Më të kaluar kontrollimet mjekësore, Dellova do t’i bashkohet ekipit të ri për fazën përgatitore në Bansko.
25-vjeçari vitet e fundit ka qenë ndër lojtarët më të mirë në Superligën e Kosovës, ndërsa me Ballkanin ka të fituar tre tituj kampioni të Kosovës, një kupë dhe një Superkupë.
Gjithashtu, Dellova ka edhe 8 paraqitje me Kombëtaren e Kosovës. CSKA Sofia është klubi më i suksesshëm i futbollit në Bullgari. Ka të fituar 31 tituj kampioni që është rekord si dhe 21 herë ka triumfuar në Kupën e Bullgarisë.
