Mbrojtësi Lumbardh Dellova pritet të rikthehet këtë vikend në fushë, pasi tashmë i është bashkuar CSKA Sofjes në stërvitje, kanë njoftuar mediumet bullgare.
Dellova ishte i grumbulluar me Kombëtaren e Kosovës për ndeshjet e këtij muaji, por nuk u aktivizua në asnjërën për shkak se ende nuk ishte rikuperuar plotësisht nga lëndimi që e pësoi javë më parë.
Ai nuk u aktivizua në barazimin pa gola kundër Sllovenisë, ndërsa u lirua nga grumbullimi para duelit me Suedinë dhe nuk udhëtoi fare me “Dardanët” për në Goteborg.
Shkaku i lëndimit, Dellova i ka munguar CSKA Sofjes në tri ndeshjet e fundit kampionale, ku në të trija ka luajtur baras.
26-vjeçari pritet të jetë gati për duelin që CSKA e luan të dielën në udhëtim kundër Dobrudzhas, në kuadër të xhiros së 12-t të kampionatit bullgar.
Këtë sezon, Dellova ka 7 paraqitje kampionale dhe 1 gol të shënuar.
