Mbrojtësi Lumbardh Dellova është vlerësuar për paraqitjen e tij të fundit te CSKA Sofja, pasi është përfshirë në ekipin më të mirë të javës në Bullgari.
Dellova ka zënë vend në 11-shen e xhiros së 15-të pasi ishte ndër më të dalluarit në fitoren e CSKA Sofjas ndaj Levskit 1:0.
Dellova luajti gjatë tërë ndeshjes dhe u ndëshkua me karton të verdhë, ndërsa paraqitja e tij është vlerësuar me notën 7.5.
Dellova, menjëherë pas kësaj ndeshjeje është bashkuar me Kombëtaren e Kosovës, e cila të hënën pasdite ka nisur grumbullimin për ndeshjet e këtij muaji.
“Dardanët” të shtunën luajnë në udhëtim te Sllovenia, ndërsa tri ditë më vonë e presin Zvicrën, ndeshje në të cilat Dellova pritet të aktivizohet.
Të dyja këto ndeshje janë tejet të rëndësishme dhe vendimtare për Kosovën, pasi me to mbyllet cikli kualifikues për Botërorin 2026.
