Mbrojtësi i Kombëtares së Kosovës, Lumbardh Dellova është vlerësuar lart për paraqitjen e tij në kampionatin e Bullgarisë.
Futbollisti i CSKA Sofjes është zgjedhur më i mirë i xhiros së 31-të në elitën e futbollit bullgar, gjë që është bërë e ditur edhe nga klubi.
Dellova ka marrë çmimin e më të mirit pas paraqitjes së mirë që e pati në fitoren e CSKA Sofjes në udhëtim te Spartak Varna me rezultatin minimal 1:0.
Dellova ishte i pazëvendësueshëm te CSKA dhe shënoi golin e vetëm në këtë përballje.
Për Dellovën, ky ishte goli i parë në kampionat, ndërsa një gol e ka shënuar edhe në Kupën e Bullgarisë, garë në të cilin CSKA Sofja është kualifikuar në finale.
26-vjeçari u transferua në Bullgari verën e shkuar nga Ballkani dhe ka kontratë me CSKA Sofjen deri në verën e vitit 2027.
