Deputetja e Partisë Demokratike të Kosovës, Blerta Deliu-Kodra ka deklaruar se nuk do të ketë vazhdim të seancës pa u trajtuar plotësisht kërkesat e veteranëve.
“S’ka vazhdim të seancës, pa u trajtuar kërkesat plotësisht të drejta të veteranëve!”, shkroi ajo në një postim në Facebook.
Ndryshe, deri te ndërprerja e seancës erdhi pasi që deputetët e Partisë Demokratike të Kosovës dhe Aleancës për Ardhmërinë e Kosovës qëndruan në këmbë te foltorja e Kuvendit.
Ndërkaq, kryeparlamentari, Glauk Konjufca pas ndërprerjes së kësaj seance është takuar me shefat e Grupeve Parlamentare.
