Të hënën, në zyrat e Federatës së Futbollit të Kosovës (FFK), është tërhequr shorti për delegimin e zyrtarëve në ndeshjet e xhiros së 24-të, të cilat do të luhen në mesjavë.
Bardh Ajeti është gjyqtar kryesor në derbin Drita – Ballkani, i cili luhet të martën në Gjilan prej orës 14:00.
Ajeti do të asistohet nga Edmond Zeqiri e Zgjim Rrahimi kurse Dylot Brahimi, do të jetë gjyqtar i katërt.
Në VAR dhe AVAR, do të jetë Genc Nuza, përkatësisht Lumturie Muhadri.
Të martënn, luhet edhe ndeshja Ferizaj – Llapi, në të cilën gjyqtar kryesor është Ilir Mehmeti me asistentët Fatlum Berisha e Hekuran Osmani.
Gjyqtar i katërt është Ersen Janovali, në VAR do të jetë Visar Kastrati kurse AVAR është Alban Ejupi.
Në ndeshjen Prishtina – Dukagjini, që luhet të mërkurën, Kujtim Krasniqi është gjyqtar kryesor, Granit Hysani e Enis Bejtullahu janë asistentë kurse Ilaz Ajeti është i katërti.
Në VAR do të jetë Granit Pacolli, ndërsa Gëzim Mehmeti është në AVAR.
Malisheva – Gjilani që luhet të mërkurën, do të drejtohet nga Mentor Ajeti kryesor, pastaj Besnik Morina e Bajram Kabashi asistentë, si dhe Përparim Jakupi gjyqtar i katërt.
Dardan Çaka dhe Arbnor Bullatovci, do të jetë në VAR përkatësisht AVAR.
Suhareka – Feronikeli ’74, luhet të enjten dhe e mbyll këtë xhiro, ndërsa gjyqtar kryesor do të jetë Egzon Dakaj.
Dakaj do të ndihmohet nga asistentët Fatmir Sekiraqa e Pashtrik Burrniku derisa Petrit Rama do të jetë gjyqtar i katërt.
Në VAR do të jetë Gramos Shala, i cili do të ndihmohet nga Drilon Rexhepi që është në AVAR.
