Të hënën në zyrat e FFK-së, është bërë tërheqja e shortit për delegimin e gjyqtarëve për xhiron e 11-të të Superligës, e cila do të luhet në mesjavë.
Vigan Ibërdemaj është gjyqtar kryesor në duelin e së martës ndërmjet Ballkanit dhe Gjilanit, ndeshje kjo që luhet në Suharekë.
Asistentë të tij, do të jenë Bekim Rama e Gzim Mehmeti, ndërsa gjyqtar i katërt është Isak Ceroviku.
Dueli Dukagjini – Suhareka, do të drejtohet nga Dardan Çaka, i cili do të asistohet nga Bujar Selimaj e Kastriot Peci, ndërsa Rrezart Hasaj do të jetë gjyqtar i katërt.
Kjo ndeshje luhet të mërkurën sikurse edhe përballja Llapi – Feronikeli ’74, ku gjyqtar kryesor do të jetë Erdall Zasella, i asistuar nga Hekuran Osmani e Zgjim Rrahimi derisa arbitër i katërt do të jetë Granit Pacolli.
Lirim Jashari do të jetë kryesori në duelin Ferizaj – Malisheva, me asistentët Arbnor Bullatovci e Enis Bejtuallahu kurse gjyqtar i katërt është caktuar Egzon Dakaj.
Përballja Drita – Prishtina, i është besuar gjyqtarit Burim Jahmurataj, i cili do të asistohet nga Alban Ejupi e Meriton Berisha, ndërsa Gramos Shala do të jetë i katërti.
Këto dy ndeshje luhen të enjten, ndërsa nisin prej orës 13:00 sikurse të gjitha përballjet tjera të kësaj xhiroje të elitës së futbollit kosovar.
