Të enjten në zyrat e Federatës së Futbollit të Kosovës (FFK), është tërhequr shorti për delegimin e gjyqtarëve në ndeshjet e xhiros së 21-t të Superligës.
Ballkani – Feronikeli ’74 është ndeshja e parë dhe luhet të premten, ndërsa gjyqtar kryesor do të jetë Visar Kastrati.
Kastrati do të ndihmohet nga Fatlum Berisha e Bajram Kabashi që janë asistentë, ndërsa Egzon Dakaj do të jetë gjyqtar i katërt.
Në duelin Drita – Suhareka që është të shtunën, kryesori do të jetë Vigan Ibërdemaj me asistentët Besnik Morina e Drilon Rexhepi kurse i katërti është Eridon Podvorica.
Erdall Zasella është gjyqtar kryesor në ndeshjen tjetër që luhet të shtunën, atë ndërmjet Llapit dhe Malishevës.
Asistentë të Zasellës janë Arbnor Bullatovci e Altin Zhegrova kurse gjyqtar i katërt do të jetë Burim Jahmurataj.
Edhe të dielën, do të luhen dy ndeshje: Dukagjini – Gjilani dhe Ferizaj – Prishtina, të cilat gjithashtu startojnë në orën 13:00 sikurse përballjet tjera.
Në Klinë, gjyqtar kryesor do të jetë Mervan Bejtullahu së bashku me asistentët Edmond Zeqiri e Meriton Berisha derisa Isak Ceroviku është i katërti.
Genc Nuza është gjyqtar kryesor në Ferizaj dhe do të ndihmohet nga Granit Hyseni e Zgjim Rrahmani kurse Gramos Shala do të jetë i katërti.
