Pas shumë peripecive dhe tmerrit të përjetuar nga tërmeti që goditi Turqinë, të hënën në orët e para të mëngjesit, delegacioni i Kosovës në mundje të martën ka arritur në Stamboll.
Nëpërmjet një postimi në Facebook, Federata e Mundjes së Kosovës ka njoftuar se delegacioni prej gjashtë anëtarësh tashmë është në Stamboll dhe së shpejti pritet të kthehet në Kosovë.
Ekipi kosovar i mundjes ishte në qytetin Kahramanmarash për pjesëmarrje në turneun ndërkombëtar “12 February” dhe përjetoi tmerrin pas tërmetit të fuqishëm.
Karhamanmarashi është njëri prej qyteteve më të goditura të Turqisë nga tërmeti, ndërsa delegacioni kosovar arriti të shpëtojë nga më e keqja. Pas largimit nga Kahramanmarashi, ata u larguan në qytetin tjetër, Kayseri gjatë ditës së hënën, ndërsa tani gjenden në Stamboll.
