Udhëheqës të komuniteteve fetare u janë bashkuar presidentëve shqiptarë Bajram Begaj e Vjosa Osmanit në delegacionet për homazhe në Vatikan, për Papa Françeskun.
Presidentja Osmani bashkë me presidentin Begaj dhe kardinalin Ernest Simoni kanë bërë homazhe për Papën, një ditë para ceremonisë së varrimit.
“Sot, në bazilikën “Shën Pjetri” në Vatikan, së bashku me Presidentin Begaj, kardinalin e vetëm shqiptar, Ernest Simonin dhe delegacionet tona, bëmë homazhe për Shenjtërinë e Tij, Papë Françeskun, për të shprehur respektin e qytetarëve tanë ndaj përkushtimit të tij frymëzues për paqe, harmoni dhe dinjitet njerëzor në mbarë botën”, ka shkruar Osmani.
