I dyshuari për vrasjen e 21-vjeçares në Ferizaj ka dalë para gjykatës ku Prokuroria ka kërkuar masën e paraburgimit.
I dyshuari është sjell i prangosur në objektin e Gjykatës Themelore në Ferizaj, derisa avokati mbrojtës i tij ka deklaruar se i dyshuari dhe ish-bashkëshortja e tij kishin pasur mosmarrëveshje një natë para se të ndodhte vrasja, shkruan Betimi për Drejtësi.
Ndryshe, Policia ka njoftuar se 36-vjeçari, “për motive ende të panjohura”, ka shtënë me armë zjarri ndaj ish-gruas së tij dhe vëllait të saj, ku e ka vrarë 21-vjeçaren dhe e ka plagosur vëllain e saj.
Sipas raportit 24-orësh, vëllai i 21-vjeçares i plagosur është liruar në shtëpi pas trajtimit mjekësor.
