Policia e Kosovës ka dhënë informata rreth therjes me thikë për vdekje të vjehrrit nga i dyshuari dhëndëri i tij mbrëmjen e së mërkurës në Prishtinë, raporton teve1.info
Sipas raportit 24-orësh të Policisë së Kosovës, deri tek therja dyshohet se erdhi pas një mosmarrëveshje, derisa viktima duke mos i përballuar plagët, ka ndërruar jetë.
“Rr. Ali Vitia, Prishtinë 29.11.2023 – 21:30. Dyshohet se pas një mosmarrëveshje, i dyshuari mashkull kosovar ka sulmuar-therur me thikë babanë e bashkëshortes së tij (vjehrrin), viktimën mashkull kosovar i cili duke mos u përballuar plagëve të marra ka ndërruar jetë në QKUK, vdekjen e të cilit e ka konfirmuar mjeku. I dyshuari gjendet në arrati, ndërsa me urdhër të prokurorit trupi i pajetë i viktimës është dërguar në IML për obduksion”, thuhet në komunikatë.
