Deklaratat ndaj njëri tjetrit, nuk i kursejnë aspak.
Madje, kryeministri i Kosovës, Albin Kurti dhe i dërguari i amerikan për misione të veçanta, Richard Grenell nuk e kanë problem t’i bëjnë ato në publik.
Këtë herë, Grenell tha se marrëdhëniet me Amerikën nuk janë të mira siç i ka përshkruar Kurti.
“Marrëdhëniet nuk kanë qenë kurrë më të ulëta. Albin Kurti është dënuar nga administrata e parë Trump, administrata e Bidenit, NATO, BE, Ambasada e SHBA-së, Anthony Blinken etj”, tha Grenell.
Një kundërpërgjigje të re për këtë temë nuk pati Kurti.
Për profesorin Avdi Smajljaj, kryeministri Kurti duhet të jetë më i kujdesshëm në deklarime publike.
Smajljaj thotë se deklarata e Grenellit mund të bëhet deklaratë zyrtare e SHBA-së.
E njohësja e zhvillimeve politike, Arta Tahiri Beqa thotë se fjala e Grenellit është fjala e Amerikës.
Për Tahiri Beqën, Kurti nuk ka pasur mospajtime vetëm me administratën e Trumpit.
Edhe para kësaj here, Grenelli ka shkruar për pakënaqësitë e kryetarit të Kuvendit të Kosovës, Glauk Konjufca.
Gjithë këto deklarime po bëhen në kohën e fushatës zgjedhore në Kosovë.
