Studime të ndryshme kanë treguar se dehidrimi – edhe në nivele të ulëta – ndikon në mënyrë të konsiderueshme në funksionin mendor dhe fizik.
Kur trupi është i pangopur me ujë, ndodhin ndryshime të menjëhershme në disponim, energji dhe aftësi për të kryer detyra të përditshme.
Një analizë nga Universiteti Connecticut zbuloi se personat që ishin dehidruar vetëm 1-2% nga masa trupore paraqisnin më shumë lodhje, nervozizëm dhe përqendrim të dobët. Këto efekte janë më të theksuara te gratë dhe të moshuarit, por prekin të gjithë grupmoshat.
Mungesa e ujit ndikon edhe në funksionet fiziologjike si tretja, temperatura trupore dhe funksioni i veshkave. Në planin afatgjatë, dehidrimi i përsëritur mund të rrisë rrezikun për gurë në veshka dhe probleme të sistemit urinar.
Për të shmangur këto pasoja, rekomandohet të konsumohet ujë rregullisht gjatë ditës, edhe kur nuk ndiheni të etur.
Një mënyrë e thjeshtë është të mbani gjithmonë një shishe me vete dhe të pini gllënjka sa më shpesh.
