Kryesuesi i seancës konstituive, Avni Dehari ka kërkuar konsultim me përfaqësuesit e partive politike.
Dehari e ka kërkuar këtë konsultë për të diskutuar se si do të procedohet tutje me seancën konstituive të Kuvendit.
Ai ka thënë se kjo po bëhet që të mos ketë ndonjë shkelje procedurale.
Ftesën e Deharit e kanë refuzuar partitë opozitare të cilat kanë thënë se kryesuesi nuk e ka këtë mandat.
Deputetja, Daorsa Kica-Xhelili ka thënë se është e paprecedentë thirrja e kryesuesit të Kuvendit për të diskutuar me partitë politike.
