Nga ta, sipas aktakuzës së prokurorisë, ish-kryeshefi i Komisionit tw Pavarur për Media, Luan Latifi dhe ish-drejtori i Administratës dhe Financave, Arben Bilalli, kërkuan e morën ryshfet.
I pari që doli në bankën e dëshmitarit ishte Elhami Haziri.
Fillimisht, ky iu përgjigj pyetjeve të Driton Musliut, avokatit të Luan Latifit.
Por, për këto pyetje, Musliu mori vërejtje nga gjyqtari, Alban Ajvazi.
Tutje Elhami Haziri u pyet se a kishte kërkuar direkt Luan Latifi, ryshfet nga ai.
Ndërsa pyetjes së trupit gjykues se a e informoi Luan Latifin, se Arben Bilalli po kërkon para në emrin e tij, Haziri e pohoi.
“Në takimin e dytë Luanin e kam njoftu që Arbeni po lyp parë…”, tha Elhami Haziri, pronar i “Telkos”.
E pas Hazirit, radha për të dëshmuar i erdhi drejtorit të “Telkos”, Enver Berishës.
Në dëshminë e tij, Berisha tregoi se si Arben Bilalli, fillimisht ua bëri me dije se po kërkon para.
“Arbeni i kërkon që më shku me verifiku a e ka pranu emailin, Nura del prej zyrës, Arbeni na drejtohet dhe thotë nuk e pata për verifikim, por këtë punë duhet me kry brenda 4 mureve”, tha Enver Berisha, drejtor në “Telkos”.
Tutje, Berisha ka thënë se Bilalli e shtoi presionin ndaj tyre pas disa ditësh.
Ndërsa tregoi se çka i tha me një rast.
Ndërkohë seanca e radhës u caktua pasditen e 2 dhjetorit, ku u tha se prokuroria do t’i paraqes provat materiale mund të ftohen edhe dëshmitarët e tjerë.
Ndryshe për këtë rast ish-drejtori në KPM, Arben Bilalli, e ka pranuar fajësinë, ndërsa këtë e ka mohuar ish-kryeshefi, Luan Latifi.
Kronika e gazetarit Fidan Zejnullahu.
