Ish-ambasadori i Kosovës në Maqedoni, Gjergj Dedaj ka ironizuar me ministren e Punëve të Jashtme, Donika Gërvalla, pas raportimeve që Kosova ka hequr vizat për Arabisë Saudite.
Ai në një postim në Facebook ka thënë se është mjerim i diplomacisë kosovare.
“Mjerimi i diplomacisë kosovare. Kosova ia heqë vizat Arabisë Sauditë ! Çfarë “suksesi” historik i MPJD së Donika Gërvalles së gjorë!
Ani gojëkqinjtë po thonë se kjo nuk din as nuk punon asgjë…!!!”.
Qytetarëve sauditë u është dhënë drita jeshile për të vizituar Kosovën pa pasur nevojë për vizë.
Në Twitter, Ambasada Saudite në Shqipëri zbuloi se Kosova dhe Shqipëria do të lejojnë hyrjen pa viza për udhëtarët nga Arabia Saudite me një pasaportë të vlefshme deri më 31 dhjetor të këtij viti.
