Ish-ylli i Chelseat dhe Brazilit, David Luiz, ka bërë një rikthim befasues në futbollin evropian duke u bashkuar me skuadrën e Pafos në Qipro.
Mbrojtësi u largua nga Evropa në vitin 2021 pas dy sezonesh me Arsenalin.
Ai u aktivizua në disa periudha me klube braziliane, por tani është rikthyer në Evropë në moshën 38-vjeçare.
Luiz, i cili nënshkroi për skuadrën braziliane , Fortaleza, në janar të vitit 2025 me një kontratë njëvjeçare, e ndërpreu atë me marrëveshje të dy anshme më 1 gusht, përpara se të siguronte transferimin në Pafos të Qipros.
Ai ka nënshkruar një kontratë trevjeçare me klubin, i cili do të marrë pjesë në raundet kualifikuese të Ligës së Kampionëve.
Mbrojtësi veteran është rikthyer tani në Evropë pas katër vitesh mungesë dhe pritet të garojë sërish në Ligën e Kampionëve gjatë sezonit 2025/2026.
