Shefi i Misionit të OSBE-së në Kosovë, Michael Davenport, ka deklaruar se zhvillimet e fundit në veri të Kosovës kanë treguar nevojën urgjente për kthimin në dialog.
Sipas Davenport, mbyllja e zyrave postare dhe propozimet e reja për hapjen e Urës së Ibrit, duhet të zgjidhen në procesin e udhëhequr nga Bashkimi Europian.
“Ngjarjet e fundit – mbyllja e zyrave postare në komunat veriore dhe propozimet e reja për hapjen e urës në Mitrovicë për trafik – kanë nënvizuar urgjencën e kthimit në dialog. Të dyja këto çështje duhet të zgjidhen në procesin e udhëhequr nga BE-ja. Por, ky duhet të jetë dialog i fokusuar për përmirësimin e jetëve të njerëzve të zakonshëm në Kosovë dhe për rritjen e perspektivës së të rinjve nga të gjitha komunitetet për të jetuar, punuar dhe rritur familjet e tyre këtu”, ka shkruar ai në platformën “X”./teve1.info/
Recent events – the closure of post offices in northern municipalities and renewed proposals to open the bridge in Mitrovicë/Mitrovica to traffic – have underlined the urgency of returning to dialogue. Both these issues should be resolved in the EU-led process. 1/2
— Michael Davenport (@DavenportOSCE) August 7, 2024
