Për Serbinë dhe Kosovën, Departamenti Amerikan i Shtetit bëri thirrje që të përmbahen nga retorikat përshkallëzuese. Kryeministri Kurti shprehet se kërcënimet e presidentit serb, janë fushatë për konflikte të reja.
Deklarata të njëpasnjëshme nga dy të vendet, Kosovë – Serbi, ka ditëve të fundit pas kërcënimeve të presidentit serb.
Për to, Departamenti Amerikan i Shtetit, bëri thirrje për përmbajtje nga të dyja palët.
“U bëjmë thirrje sërish Serbisë e Kosovës të përmbahen nga retorika e mëtejme përshkallëzuese, veprimet e pakoordinuara apo aktet legjislative që bien ndesh me normalizimin e raporteve apo rrezikojnë stabilitetin dhe sigurinë. Kosova është shtet sovran, i pavarur dhe multietnik, të cilin ne duam ta shohim tërësisht të integruar në strukturat euroatlantike dhe ndërkombëtare”, u tha nga Departamenti Amerikan i Shtetit.
E kryeministri i Kosovës, thekson se kërcënimet e Vuçiqit janë pjesë e fushatës për konflikte të reja.
“Ato kërkesat e tij masat që bëhen nga një dëshpërim dhe paraqesin joracionalitet e nuk janë aspak paqësore por përkundrazi pjesë e fushatës agresive për konflikte të reja që padyshim se nuk kanë vend as në Kosovë as në rajonin”, tha Kurti.
Gjithë deklarimet rreth kësaj çështje, po vlerësohen se janë politika ditore.
“Kjo nuk mund të merret si diçka e thjeshtë dhe të dilet me deklarata të tilla, siç po i shohim ditëve të fundit, të cilët më shumë shkojnë në shërbim të një politike ditore se sa që flasim diçka për aktualitetet reale të kapaciteteve edhe policore edhe luftarake të FSK-së”, tha ish-koloneli i policisë, Hysen Gecaj.
Për kapacitetet reaguese në dy institucionet e sigurisë në vend, FSK e Polici të Kosovës, nuk kanë dhënë përgjigje.
