Në një deklaratë të Sekretarit të Shtetit, Antony Blinken, thuhet se ky vendim refuzon angazhimet në kuadër të marrëveshjeve të Minskut, kundërshton drejtpërdrejt angazhimin e pretenduar të Rusisë ndaj diplomacisë dhe është një sulm i qartë ndaj sovranitetit dhe integritetit territorial të Ukrainës.
“Ne dënojmë me forcë vendimin e Presidentit Putin për të njohur të ashtuquajturat “Republika Popullore të Donetskut dhe Luhanskut” si “të pavarura”. Siç thamë kur Duma bëri kërkesën e saj për herë të parë: ky vendim përfaqëson një refuzim të plotë të angazhimeve të Rusisë sipas marrëveshjeve të Minskut, kundërshton drejtpërdrejt angazhimin e pretenduar të Rusisë ndaj diplomacisë dhe është një sulm i qartë ndaj sovranitetit dhe integritetit territorial të Ukrainës”, thuhet në deklaratë.
Ndërkohë, pas vendimit për të njohur pavarësinë e Donetskut dhe Luhanskut, Vladimir Putin ka urdhëruar trupat ushtarake ruse që të shkojnë në këto dy rajone. Siç kanë raportuar mediat ndërkombëtare, urdhri i Putinit është që forcat e armatosura ruse të kryejnë funksione paqeruajtëse në rajonet separatiste pro-ruse në Lindje të Ukrainës
