Tri ditë pas fitores 8:0 ndaj Estonisë, futbollistet e Kombëtares së Kosovës kanë pësuar nga kundërshtari i njëjtë në miqësoren e dytë.
Të hënën, Kosova u mposht nga Estonia me rezultatin 2:1, në ndeshjen e luajtur në stadiumin “Fadil Vokrri” në Prishtinë.
Kjo humbje është befasuese, duke pasur parasysh faktin se Kosova te premten e shkuar triumfoi 8:0 ndaj Estonisë, po ashtu në Prishtinë duke shënuar fitoren e saj më të thellë deri më tani.
Estonia të dy golat i realizoi në pjesën e parë, ku Vlada Kubassova shënoi në minutën e 23-të, përpara se Kristina Teern ta dyfishoi epërsinë në minutën e 35-të.
Kosova dominoi në pjesën e dytë por nuk arriti më shumë se një gol, të cilin e realizoi Donjeta Halilaj në minutën e 92-të.
Miqësoret me Estoninë, ishte ndeshjet e para ndërkombëtare të selektorit Sami Sermaxhaj, i cili u emërua në këtë post javë më parë.
