Futbollistet e Kosovës do të luajnë ndeshjen e radhës në kuadër të kualifikimeve për “Euro 2025”.
Kjo ndeshje luhet sot prej orës 18:00 në fushën e renovuar të stadiumit “Fadil Vokrri” në Prishtinë.
Në fakt, kjo është ndeshja e parë në këtë stadium që nga nëntori i vitit të shkuar kur Kosova u përball me Ukrainën në kualifikimet për “Euro 2024”.
“Dardanet” me Ukrainën luajnë në kuadër të Grupit 4 të Ligës B të Ligës së Kombeve. Kosova që udhëhiqet nga suedezja Karin Anneli Andersen, i ka katër humbje në katër ndeshjet e para dhe është jashtë garës për kualifikim tutje.
Futbollistet e Kosovës pësuan 2:0 nga Ukraina në udhëtim, saktësisht në Antalia të Turqisë.
Me shifrat 6:0 humbën në stadiumin “Zahir Pajaziti” në Podujevë nga Uellsi, ndërsa në po të njëjtin stadium Kosova pësoi edhe nga Kroacia, 1:0.
Kroacia fitoi ndaj Kosovës edhe në ndeshjen kthyese por 2:0, më 4 qershor.
