Pas tri humbjeve në po aq ndeshje të luajtura deri më tani në kuadër të kualifikimeve për “Euro 2025”, futbollistet e Kosovës kanë regjistruar po aq disfata.
Duelin e katërt kualifikues, Kosova e luan në udhëtim ndaj Kroacisë, ndeshje në të cilën synon rezultat pozitiv. Dueli mes Kroacisë dhe Kosovës, luhet sot prej orës 20:00 në Karlovac.
Në fakt, Për Kosovën është rasti i fundit për të hyrë në garë për pozitën e tretë në grup pasi aktualisht zë vendin e fundit pa pikë. Grupit i prinë Uellsi me 7 pikë, një më shumë se Kroacia që zë vendin e dytë, ndërsa Ukraina është e treta më katër pikë të mbledhura.
Te futbollistet e Kosovës ka optimizëm për duelin me Kroacinë, ekip që i mposhti 1:0 ditë më parë në Podujevë. Ndeshjet e radhës dhe të fundit të këtij cikli kualifikues, Kosova i luan muajin e ardhshëm.
Më 12 korrik, Kosova e pret Ukrainën kurse katër ditë më vonë përballet me Uellsin në udhëtim.
