Kombëtarja e Kosovës në futboll në grupmoshat U19 i ka nisur në mënyrën më të mirë kualifikimet në Kampionatin Evropian Euro 2024.
“Dardanët” e rinj e kanë mposhtur sot Kombëtaren e Austrisë me rezultat minimal 1:0, raporton KosovaPress.
Goli i vetëm i ndeshjes ishte autogol, pasi që Gashijani e detyroi austriakun Scholler të shënonte në portën e tij në minutën e 50’.
Me këtë fitore, Kosova U19 merr kreun e Grupit 1 të këtyre kualifikimeve, grup ky në të cilin gjenden edhe Sllovenia, Spanja dhe Austria.
