Dardan Berisha do të luaj për Pejën edhe për sezonin e ri të Superligës së Kosovës në basketboll.
Lajmin e ka konfirmuar faqja zyrtare e klubit pejan, në Facebook, duke bërë të ditur se Berisha, do të ka nënshkruar vazhdimin e kontratës edhe për një vjet.
“Basketbollisti më i mirë Shqiptar i të gjithë kohërave, Dardan Berisha – vazhdon në shtëpinë e tij edhe për edicionin 2025/26”, ka shkruar shkurt klubi në Facebook.
Berisha vlerësohet basketbollisti më i mirë në vend, derisa ishte rikthyer te klubi i vendlindjes vitin e kaluar.
Ai luajti me mesatare prej 11.5 pikëve për lojë dhe 2.6 kërcime e 2.2 asistime për ndeshje.
36-vjeçari ka luajtur edhe me Kosovën në ndeshjet parakualifikuese për Botërorin e basketbollit, në gjashtë duele gjatë vitit 2024 dhe 2025.
