Sulmuesi i Kombëtares së Shqipërisë, Mirlind Daku është përfshirë në formacionin më të mirë të xhiros së 16-të në kampionatin e Rusisë.
Daku shkëlqeu në kuadër të xhiros së 16-të, ku ishte protagonisti kryesor i fitores së Rubin Kazanit 3:0 ndaj Akronit.
Ai në këtë përballje realizoi dy gola, si dhe në fund u zgjodh edhe lojtari më i mirë i ndeshjes.
Daku golin e parë e realizoi në minutën e 10-të për ta zhbllokuar rezultatin, ndërsa dhjeti minuta më vonë e realizoi edhe golin e tij të dytë personal për ta dyfishuar epërsinë e Rubin Kazanit.
Aktualisht, Daku ka realizuar 8 gola dhe ka bërë 4 asistime në 15 ndeshje kampionale këtë sezon për skuadrën e Rubinit që zë vendin e shtatë në tabelë me 22 pikë të grumbulluara.
26-vjeçari është pjesë e skuadrës ruse prej vitit 2023 kur iu bashkua nga Osijeku dhe ka kontratë deri në verën e vitit 2026.
