Gazetari, Shkelzen Dakaj ka deklaruar se rezultati i zgjedhjeve të 9 shkurtit nuk është sukses i opozitës por ndëshkim i pushtetit.
Dakaj në emisionin “ Këndi i Debatit” në Tëvë1 ka thënë se rënia nga 50.02 përqind në 41-42 përqind është dështim i Albin Kurtit dhe jo sukses i dikujt.
Ai ka shtuar se 40 përqindshi i LVV-së ka qenë maksimumi që kanë mundur ta arrijnë partitë opozitare pasi sipas tij për katër vite kanë qenë të heshtura.
“40 përqind i LVV-së është maksimumi që kanë mundur ta nxjerrin partitë opozitare se partitë opozitare kanë menduar se për 3 muaj mund ta rrëzojnë Albin Kurtin prej 51 përqind. I kemi parë katër vite që kanë heshtur, katër vite që nuk kanë bërë opozitë, katër vite i kanë zgjedhur vetëm format burokratike. Rezultati që e shohim sot nuk është sukses i opozitës por është ndëshkim i pushtetit. Nëse ka rënë prej nga 50.02 përqind në 41-42 përqind atëherë është dështim i Albin Kurtit”, ka thënë ai.
