Gazetari, Shkelzen Dakaj, ka deklaruar se Lëvizja Vetëvendosje dhe kryeministri Albin Kurti janë një zhgënjim i madh.
Ai është shprehur kështu pasi sipas tij LVV-ja dhe Kurti kanë pasur mundësi që tani të flasin me qytetarët e Kosovës për rezultatet e mëdha dhe konkrete.
Dakaj po ashtu ka komentuar edhe programin qeverisës të LVV-së të paraqitur në fushatë për të cilin ka thënë se është një lloj riciklimi i fushatave të kaluara.
“Unë duke qenë mbështetës i Lëvizjes Vetëvendosje jo militant i saj apo ndonjë partie tjetër por i programit politik që e ka bërë Vetëvendosje në opozitë, për mua është një zhgënjim i madh për shkak se VV-ja dhe Albin Kurti e kanë pasur rastin që sot të flasin me qytetarët e Kosovës për rezultatet e mëdha dhe konkrete. Deri para pak ditëve nuk pamë që shpalosi program tani e shikova dhe është një lloj riciklimi që është munduar t’ua bëj fushatave të kaluara mirëpo tani është munduar t’i justifikoj mirë që mos t’i kapen në terma konkret “, ka thënë ai në emisionin “Këndi i Debatit”, në Tëvë1.
