Trajneri i Ballkanit, Ilir Daja ka thënë se nuk do të mbrohen në ndeshjen kthyese ndaj Ludogoretsit.
Trajneri tiranas në konferencën për media të mbajtur në Razgrad të Bullgarisë ka thënë se ndaj Ludogoretsit do të mundohen ta ruajnë rezultatin e ndeshjes së parë. Por, assesi të mbrohen. Ndeshja Ludogorets – Ballkani zhvillohet të mërkurën nga ora 20:00.
Ndeshjen e parë në Prishtinë javë ne kaluar e fitoi Ballkani me rezultatin 2:0. I takon raundit të parë kualifikues të Ligës së Kampionëve.
“E kishim studiuar kundërshtarin duke e respektuar maksimalisht, pasi bëmë futboll goxha të mirë në gjitha aspektet. Bëmë lojën tonë që rezultoi me sukses. Ne nuk do të mbrohemi edhe pse kemi fituar 2:0. Do të punojmë edhe në fazën e mbrojtjes edhe sulmit, pasi mendojmë se Ludogoretsi nesër do ta filloj më furishëm takimin për shkak se është minus dy gola. Do ta bëjmë mbrojtjen, por ashtu siç e kemi bërë në Prishtinë”, ka thënë Daja në konferencën për media të martën.
