Trajneri i Ballkanit Ilir Daja, ka thënë se ka 1 mijë për qind besim tek lojtarët e tij. Ai këtë deklarim e bëri në një konferencë për media një ditë para ndeshjes kundër Astanas në UEFA Conference League.
Daja tha se duhet të jenë me këmbë në tokë dhe të fokusuar për ndeshjen e nesërme.
“Si trajner një përjetim i madh për mua, ky përjetim mund të ndodhë javë për javë si në Evropë, ashtu edhe në Superligë. Ekipin e kemi tepër të mirë, entuziazmi është në nivele optimale. Shpresojmë ta mbajmë këtë sa më gjatë që është e mundur, gjithmonë me fatin me vetei. Ne kemi një grup me djemë të shkëlqyer, me karakter shumë të mirë”, tha ai.
Nesër kampioni i Kosovës në futboll do ta zhvillojë ndeshjen e tretë në Conference League. Ndeshja do të luhet në stadiumin “Fadil Vokrri”, e fillim nga ora 18:45.
Ballkani deri më tani ka një fitore dhe një humbje në kuadër të grupit C. Ka fituar ndaj gjigandit kroat Dinamo Zagreb me rezultat 2:0 në Prishtinë dhe është mposhtur minimalisht nga Viktoria Plzen në “Doosan Arena”.